பழம்பெரும் நடிகர் ஜெய்சங்கர் ஏழு வருடங்கள் 100 படங்களுக்கு மேல் நடித்து சாதனைப் படைத்துள்ளார்.
தற்போது இருக்கும் சினிமாவில் நடிகர் நடிகைகள் ஒரே சமயத்தில் இரண்டு மூன்று படங்களில் நடிக்க ஒப்புக் கொள்கின்றனர். ஆனால் அன்றைய காலகட்டத்திலேயே ஒரே முறையில் பல படத்தில் இணைந்து ஏழு வருடங்களில் கிட்டத்தட்ட 100 படங்களுக்கு மேல் நடித்துள்ள ஜெய்சங்கரை பார்த்து இன்றைய நட்சத்திரங்கள் வியந்து போகின்றனர்.
ஆம், இவர் தமிழ் சினிமாவில் வெளியான இரவும் பகலும் என்ற படத்தின் மூலம் அறிமுகமானார். மேலும் தென்னகத்து ஜேம்ஸ்பாண்ட் என்று அனைவராலும் அன்போடு அழைக்கப்பட்டார். அது மட்டுமின்றி மறைந்த முன்னாள் முதலமைச்சர் ஜெயலலிதாவுடனும் ஜோடி சேர்ந்து இவர் பல படங்களில் நடித்துள்ளார்.
இவர்களது காதல் காட்சி ரசிகர்களிடம் நல்ல வரவேற்பை பெற்றது. மேலும் ரஜினியுடன் கூட்டணி சேர்ந்து ஜெய்சங்கர் நடித்த மாவீரன், முரட்டுக்காளை, பாயும் புலி உள்ளிட்ட பல படங்கள் மாபெரும் வெற்றியை கண்டது.இந்நிலையில் ஏழு வருடங்களில் 100 படங்களுக்கு மேல் நடித்த ஜெய்சங்கரின் திறமை இன்றும் பாராட்டப்பட்டு வருகிறது.