கஞ்சா விற்பனை செய்தவரை காவல்துறையினர் கையும் களவுமாக பிடித்து விட்டனர்.
தூத்துக்குடி மாவட்டத்தில் உள்ள சத்யா நகரில் ரமேஷ் என்பவர் வசித்து வருகிறார். இவருக்கு வினோத் என்ற மகன் உள்ளார். இவர் அப்பகுதியில் கஞ்சா விற்பனை செய்ததாக தூத்துக்குடி தென்பாகம் காவல் துறையினருக்கு ரகசிய தகவல் கொடுத்துள்ளனர்.
அந்த தகவலின்படி காவல்துறையினர் சம்பவ இடத்திற்கு விரைந்து சென்று கஞ்சா விற்பனை செய்துகொண்டிருந்த வினோத்தை கையும் களவுமாக பிடித்து விட்டனர். மேலும் இது குறித்து வழக்குப்பதிவு செய்த காவல்துறையினர் வினோத்தை கைது செய்து அவரிடம் இருந்த 100 கிராம் கஞ்சாவை பறிமுதல் செய்து விட்டனர்.