காரின் டயர் வெடித்து கவிழ்ந்த விபத்தில் ஒருவர் பலியான நிலையில் நான்கு பேர் மருத்துவமனையில் சிகிச்சை பெற்று வருகின்றனர்.
திண்டுக்கல் மாவட்டத்தில் இருந்து முத்துவேல் என்பவர் தனது காரில் குடும்பத்தினருடன் திருவனந்தபுரத்திற்கு செய்துள்ளார். இந்த காரை செந்தில்குமார் என்பவர் ஓட்டிச் சென்றுள்ளார். இந்நிலையில் இவர்களின் கார் விருதுநகர் மாவட்டத்திலுள்ள மேலூர் துரைசாமிபுரம் விளக்கில் சென்று கொண்டிருந்தபோது, திடீரென காரின் முன்பக்க டயர் வெடித்து விட்டது. இதனால் தாறுமாறாக ஓடிய கார் சாலையில் கவிழ்ந்ததால் காரில் பயணம் செய்த தீனதயாளன், உஷாராணி, முத்துவேல், செல்வி, நித்யஸ்ரீ போன்ற 5 பேர் பலத்த காயம் அடைந்து உள்ளனர்.
இதுகுறித்து தகவல் அறிந்த சேத்தூர் காவல்துறையினர் சம்பவ இடத்திற்கு விரைந்து சென்று பலத்த காயம் அடைந்த 5 பேரையும் மீட்டு சிவகிரி அரசு மருத்துவமனைக்கு சிகிச்சைக்காக அழைத்து சென்றுள்ளனர். அங்கு அவருக்கு முதலுதவி சிகிச்சை அளிக்கப்பட்ட பிறகு பாளையங்கோட்டை அரசு மருத்துவமனைக்கு மேல் சிகிச்சைக்காக அழைத்துச் செல்லப்பட்டுள்ளனர். அப்போது மருத்துவமனைக்கு போகும் வழியிலேயே முத்துவேல் பரிதாபமாக உயிரிழந்து விட்டார். மேலும் படுகாயமடைந்த 4 பேருக்கும் மருத்துவமனையில் தீவிர சிகிச்சை அளிக்கப்பட்டு வருகிறது. இச்சம்பவம் குறித்து காவல்துறையினர் வழக்குப் பதிவு செய்து தீவிர விசாரணை மேற்கொண்டு வருகின்றனர்.