ஜெயலலிதாவின் வாழ்க்கை வரலாற்றுப் படமான தலைவி படத்தின் டிரைலர் ரிலீஸ் தேதி அறிவிக்கப்பட்டுள்ளது.
மறைந்த முன்னாள் முதலமைச்சர் ஜெயலலிதாவின் வாழ்க்கை வரலாற்றை மையமாக வைத்து தலைவி என்ற படம் உருவாக்கப்பட்டுள்ளது. இதனை ஏ.எல்.விஜய் இயக்கியுள்ளார். மேலும் இப்படத்திற்கு ஜீவி பிரகாஷ் இசையமைத்துள்ளார். இப்படத்தில் ஜெயலலிதா கதாபாத்திரத்தில் நடிகை கங்கனா ரனாவத் நடித்துள்ளார். எம்ஜிஆர் கதாபாத்திரத்தில் நடிகர் அரவிந்த்சாமி நடித்துள்ளார்.
தலைவி படத்தின் படப்பிடிப்பு கிட்டத்தட்ட முடிந்துவிட்டது. இன்னும் பின்னணி வேலைகள் மட்டுமே பாக்கியுள்ளது. இப்படம் வரும் ஏப்ரல் 23ஆம் தேதி வெளியாகும் என்று முன்பே தெரிவிக்கப்பட்டுள்ளது. இந்நிலையில் இப்படத்திற்கான டிரெய்லர் எப்போது ரிலீசாகும் என்ற தகவல் வெளியாகியுள்ளது.
அதன்படி தலைவி படத்தின் கதாநாயகி கங்கனா ரனாவத்தின் பிறந்த நாளான மார்ச் 23ஆம் தேதி டிரைலரை வெளியிட படக்குழு திட்டமிட்டுள்ளது. மேலும் இப்படம் தமிழ், தெலுங்கு, இந்தி என 3 மொழிகளில் வெளியாக இருப்பது குறிப்பிடத்தக்கது.