வாலிபர் பள்ளி மாணவிக்கு தாலி கட்டும் வீடியோ சமூக வலைதளங்களில் வேகமாக பரவி வருகிறது.
நீலகிரி மாவட்டத்திலுள்ள குன்னூரில் இருக்கும் தனியார் மகளிர் பள்ளியில் ஒரு மாணவி படித்து வந்துள்ளார். இந்நிலையில் இவரை காதலித்த குன்னூர் சட்டன் பகுதியில் வசிக்கும் கவுதம் என்ற இந்த மாணவிக்கு வாலிபர் தாலி கட்டியுள்ளார். அந்த வீடியோவானது சமூக வலைதளங்களில் வேகமாக பரவியுள்ளது.
இச்சம்பவம் குறித்து அந்த மாணவியின் பெற்றோர் குன்னூர் அனைத்து மகளிர் காவல் நிலையத்தில் புகார் அளித்தனர். அந்த புகாரின் பேரில் காவல்துறையினர் போக்சோ சட்டத்தின் கீழ் வழக்கு பதிந்து கவுதமை கைது செய்து விசாரணை நடத்தி வருகின்றனர். மேலும் அந்த மாணவியை குழந்தை நல பாதுகாப்பு குழுவினர் காப்பகத்தில் ஒப்படைத்து விட்டனர்.