நடிகை ஸ்ருதி ராஜ் புதிய சீரியல் மூலம் ரீ-என்ட்ரி கொடுக்கவுள்ளதாக தகவல் வெளியாகியுள்ளது .
சன் தொலைக்காட்சியில் ஒளிபரப்பான தென்றல் சீரியலில் நடித்து ஏராளமான ரசிகர்கள் மனதில் இடம் பிடித்தவர் நடிகை ஸ்ருதி ராஜ். இதை தொடர்ந்து இவர் விஜய் தொலைக்காட்சியில் ஆபிஸ் என்ற சீரியலில் நடித்து சின்னத்திரையின் முன்னணி நடிகையாக உயர்ந்தார் . இதன்பின் இவர் ஜீ தமிழ் தொலைக்காட்சியில் அன்னக்கொடியும் ஐந்து பெண்களும் சீரியலில் நடித்திருந்தார். இதையடுத்து மீண்டும் சன் டிவிக்கு வந்த ஸ்ருதிராஜ் அபூர்வ ராகங்கள் என்ற சீரியலில் நடித்தார்.
இதை தொடர்ந்து ஸ்ருதி ராஜ் நடித்து வந்த அழகு சீரியல் கொரோனா பாதிப்பு காரணமாக பாதியிலேயே கைவிடப்பட்டது. இந்நிலையில் சன் தொலைக்காட்சியில் ஒளிபரப்பாக உள்ள புதிய சீரியலில் ஸ்ருதி ராஜ் ரீ-என்ட்ரி கொடுக்க உள்ளதாக தகவல் வெளியாகியுள்ளது. மேலும் இந்த சீரியலில் தெய்வமகள் கிருஷ்ணா நாயகனாக நடிக்க இருப்பதாக கூறப்படுகிறது. விரைவில் இதுகுறித்த அறிவிப்பு வெளியாகும் என எதிர்பார்க்கப்படுகிறது.