தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் சட்டமன்ற தேர்தலில் போட்டியிடும் வேட்பாளர்கள் பட்டியலை ஒவ்வொரு கட்சியும் வெளியிட்டு வருகிறது.
மறுபக்கம் மக்களைக் கவர அனைத்து கட்சியினரும் மக்களிடம் நேரடி தேர்தல் பிரசாரத்தில் களமிறங்கியுள்ளனர். இந்நிலையில் கோவையில் பிரச்சாரம் மேற்கொண்ட கமல், காலையில் வாக்கிங்க் சென்று கொண்டிருந்தவர்களிடம் பிரச்சாரம் செய்த போது அவருடன் செல்பி எடுக்க குவிந்தவர்களில் யாரோ அவருடைய அறுவை சிகிச்சை செய்யப்பட்ட காலில் மிதித்தலில் வீக்கம் ஏற்பட்டதால் மருத்துவர் ஓய்வெடுக்குமாறு அறிவுறுத்தியுள்ளார். இதையடுத்து வானதி சீனிவாசன், கமல்ஹாசன் விரைவில் உடல்நலம் பெற வேண்டி அவருக்கு பழக்கூடை அனுப்பி வாழ்த்து தெரிவித்துள்ளார்.