தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது. இதற்கு மத்தியில் சட்டமன்ற தேர்தலில் போட்டியிடும் வேட்பாளர்கள் பட்டியலை ஒவ்வொரு கட்சியும் வெளியிட்டு வருகிறது.
மறுபக்கம் மக்களைக் கவர அனைத்து கட்சியினரும் மக்களிடம் நேரடி தேர்தல் பிரசாரத்தில் களமிறங்கியுள்ளனர். மேலும் மக்களை கவரும் வண்ணம் கவர்ச்சிகரமான அறிவிப்புகளை வெளியிட்டு வருகின்றனர். இந்நிலையில் அதிமுக சார்பாக நட்சத்திர பேச்சாளர்கள் வரும் சனிக்கிழமை முதல் ஏப்ரல் 4 ஆம் தேதி வரை தேர்தல் பிரச்சாரம் செய்ய உள்ளனர். அதிமுகவின் நட்சத்திர பேச்சாளர்கள் இயக்குனர் ஆர்.வி உதயகுமார், வி.எம் சுப்புராஜ், லியாகத் அலிகான், மனோபாலா, ரங்கநாதன், ஆர்.சுந்தரராஜன், அஜய்ரத்தினம் வெண்ணிற ஆடை நிர்மலா, கஞ்சாகருப்பு, குண்டு கல்யாணம் ,வையாபுரி, ரவிமரியா, சிங்கமுத்து.