நடிகை ராய் லட்சுமி நடிப்பில் உருவாகியுள்ள சிண்ட்ரெல்லா படத்திற்கு சென்சார் சான்றிதழ் கிடைத்துள்ளது .
தமிழ் திரையுலகில் நடிகை ராய் லட்சுமி கடந்த 2005 ஆம் ஆண்டு வெளியான ‘கற்க கசடற’ படத்தின் மூலம் அறிமுகமானவர் . இதை தொடர்ந்து இவர் காஞ்சனா, அரண்மனை உள்ளிட்ட பல திரைப்படங்களில் நடித்திருந்தார் . தற்போது இயக்குனர் வினோ வெங்கடேஷ் இயக்கத்தில் ராய் லட்சுமி நடிப்பில் உருவாகியுள்ள திரைப்படம் சிண்ட்ரெல்லா. இந்த படத்தில் சாக்ஷி அகர்வால், ரோபோ சங்கர், மமதி சாரி, ஆடுகளம் நரேன், கல்லூரி வினோத் உள்ளிட்ட பலர் முக்கிய கதாபாத்திரத்தில் நடித்துள்ளனர்.
மேலும் எஸ் எஸ் ஐ நிறுவனம் இந்த படத்தை தயாரித்துள்ளது. கடந்த சில மாதங்களுக்கு முன்னரே இந்த படத்தின் படப்பிடிப்புகள் நிறைவடைந்த நிலையில் தற்போது போஸ்ட் புரொடக்ஷன் பணிகளும் முடிவடைந்துள்ளது . இந்நிலையில் சிண்ட்ரெல்லா படத்திற்கு சென்சார் அதிகாரிகள் யு/ஏ சான்றிதழ் கொடுத்துள்ளனர் . மேலும் விரைவில் இந்த படத்தின் ரிலீஸ் தேதி அறிவிக்கப்படும் என படக்குழுவினர் தெரிவித்துள்ளனர்.