சந்தோசமாக சென்ற நண்பர்கள்…. சட்டென நேர்ந்த துயர சம்பவம்…. திருப்பூரில் நடந்த கோர விபத்து…!!

லாரி மீது கார் மோதிய விபத்தில் ஒருவர் உயிரிழந்த நிலையில், நான்கு பேர் மருத்துவமனையில் அனுமதிக்கப்பட்ட சம்பவம் பரபரப்பை ஏற்படுத்தியுள்ளது.

திருப்பூர் மாவட்டத்திலுள்ள அனுப்பர்பாளையம் பகுதியில் கோபால்சாமி என்பவர் வசித்து வந்துள்ளார். இவருக்கு கார்த்திகேயன் என்ற அண்ணன் உள்ளார். இந்நிலையில் சகோதரர்கள் இருவரும் தங்களது நண்பர்களான சுரேஷ்குமார், கார்த்தி, வடிவேல் போன்றோருடன் வீரப்பூர் கோவிலுக்கு காரில் புறப்பட்டுள்ளனர். இதனையடுத்து திருப்பூருக்கு மீண்டும் காரில் கரூர்-கோவை ரோட்டில் சென்று கொண்டிருந்த போது, எதிர்பாராதவிதமாக முன்னால் சென்று கொண்டிருந்த லாரி திடீரென நின்றதால் இவர்களின் கார் லாரியின் மீது பலமாக மோதி விட்டது.

இந்த விபத்தில் கோபால்சாமி சம்பவ இடத்திலேயே பரிதாபமாக உயிரிழந்து விட்டார். இதனையடுத்து அருகிலிருந்தவர்கள் படுகாயமடைந்த 4 பேரையும் மீட்டு திருப்பூர் அரசு மருத்துவமனைக்கு சிகிச்சைக்காக அனுப்பி வைத்துள்ளனர். இச்சம்பவம் குறித்து தகவல் அறிந்த வெள்ளகோவில் காவல்துறையினர் அங்கு விரைந்து சென்று கோபால்சாமி உடலை மீட்டு பிரேத பரிசோதனைக்காக காங்கயம் அரசு மருத்துவமனைக்கு அனுப்பி வைத்துள்ளனர். மேலும் இச்சம்பவம் குறித்து வழக்குப்பதிவு செய்த வெள்ளகோவில் காவல்துறையினர் தீவிர விசாரணை மேற்கொண்டு வருகின்றனர்.