மகளிர் கலைக் கல்லூரியில் பயின்ற முன்னாள் மாணவர்கள் சந்திப்பு நிகழ்ச்சியானது நடைபெற்றுள்ளது.
விருதுநகர் மாவட்டத்திலுள்ள வி.பி.எம்.எம் மகளிர் கலைக் கல்லூரி அமைந்துள்ளது. இந்த கல்லூரி நிர்வாகம் சார்பில் அங்கு பயின்ற முன்னாள் மாணவிகள் சந்திப்பு நிகழ்ச்சியானது ஏற்பாடு செய்யப்பட்டுள்ளது. இந்த நிகழ்ச்சியை சேர்மன் பி.பி.எம் சங்கர் தலைமை தாங்க, தாளாளர் பழனி செல்வி சங்கர் குத்து விளக்கேற்றி தொடங்கி வைத்துள்ளார்.
இந்த நிகழ்ச்சியில் முதல்வர் செந்தாமரை லட்சுமி அம்மாள் மற்றும் பேராசிரியர்கள் பலர் கலந்து கொண்டனர். இந்நிலையில் முன்னாள் மாணவிகள் ஒருவருக்கொருவர் தங்களது பழைய நினைவுகளை பகிர்ந்து மகிழ்ச்சி அடைந்தனர். அதன்பிறகு கல்லூரி சேர்மன் நிகழ்ச்சியில் கலந்து கொண்ட அனைத்து மாணவிகளுக்கும் நினைவுப் பரிசு வழங்கியுள்ளார்.