சளியை ஓட ஓட விரட்டும் தூதுவளை ரசத்தை எப்படி செய்வதென்று இந்த தொகுப்பில் பற்றி தெரிந்து கொள்வோம்.
தூதுவளை ரசம்.
தேவையானப்பொருட்கள்:
தூதுவளை-1 கப்.
தக்காளி-1.
பூண்டு- 4 பல்.
புளி- நெல்லிக்காய் அளவு.
உப்பு-தே. அளவு.
துவரம் பருப்பு-கால் கப்.
மஞ்சள் தூள்-1 டீஸ்பூன்.
ரசப் பொடி-1 டே. ஸ்பூன்.
தாளிக்க:.
எண்ணெய் -2 டீஸ்பூன்.
கடுகு-1 டீஸ்பூன்.
பெருங்காயம்-2.
கறிவேப்பிலை-1.
கொத்து கிள்ளிய வர மிளகாய்-2.
கொத்தமல்லித் தழை.
செய்முறை:.
முதலில் துவரம்பருப்புடன் மஞ்சள் தூள் சேர்த்து குக்கரில் குழைய வேக வைத்துக் கரைத்து எடுத்துத் தனியே வைக்கவும்.
• தூதுவளை இலைகளைக் கவனமாக முள் குத்தாமல் பார்த்து ஆய்ந்து எடுத்துச் சுத்தம் செய்து நீரில் அலசி, தண்ணீரை வடித்து வைக்கவும்.
• பாத்திரத்தில் சிறிது எண்ணெய் விட்டுச் சுத்தம் செய்த தூதுவளை இலைகளைப் போட்டு வதக்கி எடுத்துத் தனியே வைக்கவும்.
• புளியை கரைத்து எடுத்துப் பருப்புத் தண்ணீருடன் சேர்த்து, அதனுடன் ரசப் பொடியையும் கலந்து(ரசப் பொடிக்கு-மிளகு, சீரகம், தனியா-தலா 1 டீஸ்பூன், 2 வர மிளகாய் வைத்துப் பொடி செய்து அதனுடன் 4 பல் பூண்டையும் போட்டு ஒரு சுற்று சுற்றி எடுத்துக் கொள்ளவும். இந்த முறையில் செய்தால் ரசம் மிக வாசமாக இருக்கும்), தக்காளியையும் கரைத்துக் கொள்ளவும்.
• தேவையான உப்பு சேர்க்கவும்.
• அடுப்பில் வாயகன்ற பாத்திரத்தை வைத்து மீதமுள்ள எண்ணெயை விட்டுக் கடுகு, பெருங்காயம், கறிவேப்பிலை, வர மிளகாய் தாளித்து, வதக்கிய தூதுவளை இலைகளைச் சேர்த்து, கரைத்து வைத்துள்ள பருப்புத் தண்ணீரை ஊற்றவும். பூண்டை தட்டி போடவும். (அல்லது ரசப் பொடியுடனும் சேர்க்கலாம்).
• ரசம் நுரைத்து பொங்கி வரும்போது அடுப்பை அணைத்து விடவும். கொத்தமல்லித் தழை தூவி சூடாகப் பரிமாறவும்.