தமிழக சட்டப்பேரவை தேர்தல் ஏப்ரல் 6-ஆம் தேதி நடைபெற இருக்கிறது. இதையடுத்து அரசியல் கட்சிகள் தீவிர பிரச்சாரம் மேற்கொண்டு வருகின்றனர். இதனால் தேர்தல் களம் சூடு பிடித்துள்ளது. அரசியல் கட்சியினர் மக்களிடம் நேரடியாக சென்று தீவிர பிரச்சாரத்தில் ஈடுபட்டு வருகின்றனர். மக்களை கவரும் வண்ணம் தேர்தல் வாக்குறுதிகளையும் அளித்து வருகின்றனர்.
மேலும் சினிமா பிரபலங்கள் சிலரும் அரசியல் கட்சிகளுக்கு ஆதரவு தெரிவித்து வருகின்றனர். அந்த வகையில் திமுக இளைஞரணி செயலாளர் உதயநிதிக்கு நடிகர் சத்யராஜின் மகள் திவ்யா ஆதரவு அளித்துள்ளார். அரசியலுக்கு வரப்போவதாக ஏற்கனவே அறிவித்திருந்த திவ்யா சேப்பாக்கம்-திருவல்லிக்கேணி தொகுதியில் போட்டியிடும் உதயநிதிக்கு ஆதரவு தெரிவித்து டிஜிட்டல் முறையில் பிரச்சாரம் செய்யப்போவதாக ட்விட்டரில் தெரிவித்துள்ளார்.