நாகையில் சட்டவிரோதமாக விஷ சாராயத்தை விற்பனைக்காக பதுக்கி வைத்திருந்த 4 பேரை காவல்துறையினர் கைது செய்துள்ளனர்.
நாகப்பட்டினம் மாவட்டத்தில் எஸ்.பி. ஓம்பிரகாஷ் மீனா உத்தரவின்பேரில் மது குற்றங்களை தடுக்கும் பொருட்டு கூடுதல் காவல் கண்காணிப்பாளர் தலைமையில் தனிப்படை அமைக்கப்பட்டு தீவிர சோதனை மேற்கொள்ளப்பட்டு வந்தது. இந்நிலையில் நாகப்பட்டினம் மாவட்டத்தில் உள்ள புறித்தானிருப்பு பகுதியில் வசித்து வரும் ஐயர் தனபால் என்பவருடைய வயலில் விஷ சாராயம் மறைத்து வைக்கப்பட்டிருப்பதாக காவல் துறையினருக்கு தகவல் வந்தது.
அந்த தகவலின் பேரில் சம்பவ இடத்திற்கு சம்பவ இடத்திற்கு சென்ற காவல்துறை அதிகாரிகள் அங்கு வைக்கோல் போரில் மறைத்து வைக்கப்பட்டிருந்த 1400 லிட்டர் சாராயத்தை பறிமுதல் செய்துள்ளனர். இதையடுத்து சட்டவிரோதமாக விஷ சாராயத்தை பதுக்கி வைத்திருந்த குற்றத்திற்காக குமரேசன், சஞ்சய், பேட்டை ரகு என்கின்ற ரகு, ஐயர் தனபால் ஆகிய 4 பேரையும் காவல்துறையினர் கைது செய்துள்ளனர்.