நாடு முழுவதும் கொரோனா கோரத்தாண்டவம் ஆடி வந்ததால் ஊரடங்கு அமல்படுத்தப்பட்டது. இதனால் மக்கள் தங்களுடைய இயல்பு வாழ்க்கையை இழந்து வீட்டுக்குள்ளேயே முடங்கும் நிலை ஏற்பட்டது. இதையடுத்து கொரோனா சற்று குறைந்த நிலையில் மீண்டும் இயல்பு வாழ்க்கைக்கு மெல்ல மெல்ல திரும்பினார். இந்நிலையில் தற்போது மீண்டும் கொரோனா , உருமாறிய கொரோனா வேகம் எடுக்கத் தொடங்கியுள்ளது. இதனால் ஒரு சில மாநிலங்களில் இரவு நேர ஊரடங்கு பிறப்பிக்கப்பட்டது.
இந்நிலையில் சென்னையில் 20 வார்டுகளில் கொரோனா பாதிப்பு உச்சத்தை தொடுவதாக சுகாதாரத்துறை அதிர்ச்சித் தகவலை வெளியிட்டுள்ளது. அண்ணா நகர், கோடம்பாக்கம், தேனாம்பேட்டை, ராயபுரம், அம்பத்தூர், ஆலந்தூர் உள்ளிட்ட இடங்களில் கொரோனா பாதிப்பு அதிகரித்துள்ளது. கொரோனா அதிகரிக்கும் இந்த பகுதிகளில் கடும் கட்டுப்பாடு விதிக்கப்படும் என்றும் தகவல் வெளியாகியுள்ளது.