தமிழகத்தில் ஏப்ரல் 6-ஆம் தேதி சட்டமன்ற தேர்தல் நடைபெற உள்ளது. அதனால் அனைத்து கட்சிகளும் தீவிர தேர்தல் பிரசாரத்தில் ஈடுபட்டு வருவதால் தேர்தல் களம் சூடு பிடிக்க தொடங்கியுள்ளது. ஒவ்வொரு கட்சியினரும் தங்கள் எதிர்கட்சியினரை கடுமையாக விமர்சித்து தேர்தல் பிரசாரம் செய்து வருகிறார்கள். அதிலும் குறிப்பாக அதிமுக மற்றும் திமுக இடையே கடும் மோதல் போக்கு நிலவி வருகிறது.
இதற்கு மத்தியில் அரசியல் கட்சியினர் மக்களிடம் நேரடி பிரச்சாரத்தில் இறங்கியுள்ளனர். இந்நிலையில் கொளத்தூர் தொகுதியில் போட்டியிடும் முக ஸ்டாலின் தீவிர பிரச்சாரம் மேற்கொண்டு வருகிறார். மேலும் ஆட்சியை பிடித்து விட வேண்டும் என்ற எண்ணத்தில் கடுமையாக உழைத்தும், அதிமுகவினரை விமர்சித்தும் வருகிறார் ஸ்டாலின்.
அந்தவகையில் பிரச்சாரத்தில் பேசிய ஸ்டாலின், அதிமுக வேலைவாய்ப்பை உருவாக்குவேன், தொழிற்சாலைகளை உருவாக்குவேன் என்று வாக்குறுதி கொடுக்கிறார். 10 ஆண்டுகளாக ஆட்சியில் இருந்தவர்கள் தொழிற்சாலைகள், வேலைவாய்ப்பை ஏன் உருவாக்கவில்லை? என்று கேள்வி எழுப்பியுள்ளார்.