ராணிப்பேட்டையில் தேர்தலை முன்னிட்டு 100 சதவீத வாக்கு பதிவிற்காக விழிப்புணர்வு நிகழ்ச்சி நடைபெற்றது.
தமிழகத்தில் வருகின்ற ஏப்ரல் மாதம் 6ஆம் தேதி சட்டமன்ற தேர்தல் நடைபெறவிருக்கிறது இதனால் தேர்தல் குழு தேர்தல் விதிமுறைகளை நடவடிக்கைகளையும் அமலுக்குக் கொண்டுவந்தது. இதனிடையே பணம் பட்டுவாடா போன்ற சட்டத்திற்கு புறம்பான செயல்கள் நடைபெறாமலிருக்க அனைத்து பகுதிகளிலும் பறக்கும் படையினரையும் நியமித்துள்ளார்கள்.
மேலும் 100 சதவீத வாக்குப்பதிவிற்க்காக ஆங்காங்கே விழிப்புணர்வு நிகழ்ச்சிகள் நடத்தப்பட்டு வருகிறது. அந்த வகையில் ராணிப்பேட்டை மாவட்டத்தில் தேர்தல் குறித்த விழிப்புணர்வுக்காக ஆவின் பால் பாக்கெட்டுகளில் விழிப்புணர்வு வாசகங்கள் அச்சிட்டு பொதுமக்களுக்கு வினியோகம் செய்ய ஏற்பாடுகள் செய்யப்பட்டுள்ளது. இந்நிகழ்ச்சியினை ராணிப்பேட்டை மாவட்ட கலெக்டர் கிளான்ஸ்டன் புஷ்பராஜ் துவங்கி வைத்துள்ளார்.