குக் வித் கோமாளி வைல்ட் கார்டு ரவுண்டை வென்று இறுதிப்போட்டிக்கு நான்காவது போட்டியாளராக நடிகை ஷகிலா முன்னேறி உள்ளதாக தகவல் வெளியாகியுள்ளது.
விஜய் டிவியில் ஒளிபரப்பாகும் நிகழ்ச்சிகளில் பெரும்பாலான ரசிகர்களை வெகுவாக கவர்ந்த பிரபல நிகழ்ச்சி குக் வித் கோமாளி. சமையல் மற்றும் நகைச்சுவை இரண்டையும் மையப்படுத்தி இந்த நிகழ்ச்சி ஒளிபரப்பாகி கொண்டிருக்கிறது. இதற்கு இருக்கும் ரசிகர்கள் ஏராளம். அதன் முதல் சீஸனில் பிக்பாஸ் வனிதா விஜயகுமார் வெற்றி பெற்றார். அதில் ரன்னர் ஆக ரம்யா பாண்டியன் இடம் பிடித்தார். அதன் பிறகு தற்போது இரண்டாவது சீசன் ஒளிபரப்பாகிக் கொண்டிருக்கிறது. அதில் கோமாளியாக புகழ், பாலா, ஷரத், சுனிதா, மணிமேகலை, சிவாங்கி உள்ளிட்டோர் பங்கேற்றுள்ளனர்.
அதில் போட்டியாளர்களாக மதுரை முத்து, ஷகிலா, தர்ஷா குப்தா, பாபா பாஸ்கர், கனி, தீபா, அஸ்வின் மற்றும் பவித்ரா ஆகிய எட்டு பேர் பங்கேற்றனர். அந்நிகழ்ச்சி தற்போது இறுதி கட்டத்தை நெருங்கியுள்ள நிலையில், கனி, பாபா பாஸ்கர் மற்றும் அஸ்வின் ஆகிய மூவரும் இறுதி கட்டத்திற்கு முன்னேறி உள்ளனர். மற்ற அனைவரும் வெளியேற்றப்பட்டனர். இந்நிலையில் அவர்கள் அனைவரும் வைல்ட் கார்டு என்ட்ரி மூலமாக மீண்டும் நிகழ்ச்சியில் வந்துள்ளனர். இதில் வென்று இறுதிப்போட்டிக்கு நடிகை ஷகிலா தகுதி பெற்று இருப்பதாக தகவல் வெளியாகியுள்ளது.