பெரம்பலூர் மாவட்டம் பசும்பலூரில் துணை போலீஸ் சூப்பிரண்டு தலைமையில் காவல்துறையினர் கொடி அணிவகுப்பு மேற்கொண்டனர்.
தமிழகத்தில் சட்டமன்ற தேர்தலை முன்னிட்டு அனைத்து மாவட்டங்களிலும் காவல்துறையினர் மற்றும் பறக்கும் படை அதிகாரிகள் அணிவகுப்பு மேற்கொண்டு வருகின்றனர். அந்தவகையில் பெரம்பலூர் மாவட்டத்தில் உள்ள பசும்பலூரில் வாக்காளர்கள் அச்சமின்றி வாக்களிக்கவும், தேர்தல் பயத்தை போக்கும் வகையிலும் காவல்துறையினர் கொடி அணிவகுப்பு மேற்கொண்டனர். மாவட்ட போலீஸ் சூப்பிரண்டு நிஷாபார்த்திபன் உத்தரவின்படி இந்த கொடி அணிவகுப்பு நிகழ்ச்சி நடைபெற்றது.
மங்கலமேடு துணை போலீஸ் சூப்பிரண்டு மோகன்தாஸ் தலைமையில் காவல்துறையினர் கொடி அணிவகுப்பு மேற்கொண்டனர். இதில் ஆயுதப்படை வீரர்கள், மத்திய தொழில் பாதுகாப்பு படை வீரர்கள், ஊர்க்காவல் படை வீரர்கள் என பலரும் கலந்து கொண்டனர். பழைய பேருந்து நிலையத்தில் தொடங்கி முக்கிய வீதிகள் வழியாக சென்ற இந்த அணிவகுப்பு கிராம நிர்வாக அதிகாரி அலுவலகத்தில் வந்து முடிவு பெற்றது.