இயக்குனர் கார்த்திக் சுப்புராஜ் இயக்கத்தில் உருவாகிவரும் சியான் 60 படத்தில் நடிகர் தீபக் பரமேஷ் இணைந்துள்ளதாக படக்குழு அறிவித்துள்ளது .
தமிழ் திரையுலகில் பிரபல இயக்குனர் கார்த்திக் சுப்புராஜ் இயக்கத்தில் நடிகர் விக்ரம் மற்றும் அவரது மகனும் நடிகருமான துருவ் விக்ரம் இணைந்து நடிக்கும் திரைப்படம் சியான் 60. இந்த படத்தில் சிம்ரன், வாணிபோஜன், பாபி சிம்ஹா, சனந்த் ஆகியோர் முக்கிய கதாபாத்திரத்தில் நடித்து வருகின்றனர் . செவன் கிரீன் ஸ்டுடியோ நிறுவனம் தயாரிக்கும் இந்த படத்திற்கு சந்தோஷ் நாராயணன் இசையமைக்கிறார் . சமீபத்தில் இந்த படத்தின் படப்பிடிப்பு தொடங்கப்பட்டது.
இந்நிலையில் இந்த படத்தில் நடிகர் தீபக் பரமேஷ் இணைந்துள்ளதாக படக்குழு அதிகாரப்பூர்வமாக அறிவித்துள்ளது. இவர் ரஜினி நடிப்பில் வெளியான பேட்ட படத்தில் நடித்துள்ளார் . மேலும் இவர் தனுஷ் நடிப்பில் வெளியாக உள்ள ஜகமே தந்திரம் படத்தில் முக்கிய கதாபாத்திரத்தில் நடித்துள்ளார் என்பது குறிப்பிடத்தக்கது .