பஞ்சாப் மாநிலத்தில் செய்தியாளர்களை சந்தித்துப் பேசிய பாஜக எம்எல்ஏவை விவசாயிகள் சரமாரியாக தாக்கிய வீடியோ வைரலாகி வருகிறது.
மத்திய அரசு கொண்டுவந்துள்ள வேளாண் சட்டங்களுக்கு எதிர்ப்பு தெரிவித்து டெல்லி உட்பட பல்வேறு மாநிலங்களிலும் விவசாயிகள் தொடர்ந்து போராட்டம் நடத்தி வருகின்றனர். மத்திய அரசு பல்வேறு கட்ட பேச்சுவார்த்தை நடத்திய போதிலும் எந்த ஒரு முடிவும் எட்டப்படவில்லை. வேளாண் சட்டத்தை முழுவதுமாக திரும்ப பெறும் வரையில் எங்கள் போராட்டம் தொடரும் என விவசாயிகள் அனைவரும் தெரிவித்துள்ளனர். அதனால் இரவு பகல் பாராமல் தொடர்ந்து போராட்டம் நடத்தி வருகின்றனர். இதுவரை போராட்டக்களத்தில் 150க்கும் மேற்பட்ட விவசாயிகள் உயிரிழந்துள்ளனர். இது மிகுந்த வேதனை அளிக்கிறது. நாடு முழுவதும் உள்ள பல்வேறு தரப்பினரும் விவசாயிகளுக்கு தொடர்ந்து ஆதரவு தெரிவித்து வருகிறார்கள்.
இந்நிலையில் பஞ்சாப் மாநிலத்தில் செய்தியாளர்களை சந்தித்து பேசிய பாஜக எம்எல்ஏ அருண் நாரங்கை விவசாயிகள் சரமாரியாக தாக்கியுள்ளனர். அவர் செய்தியாளர்களை சந்தித்துப் பேசியதை அறிந்த விவசாயிகள், அவர் மீது கருப்பு மையை ஊற்றி வீதி வீதியாக இழுத்துச் சென்று அடித்து உடைகளை கிழித்ததாக கூறப்படுகிறது. இதனையடுத்து அங்கு வந்த போலீசார் எம்எல்ஏவை மீட்டுச் சென்றனர். அந்த வீடியோ தற்போது சமூக வலைத்தளத்தில் வைரலாகி வருகிறது