நெல்லையில் சூறைக் காற்றுடன் பலத்த மழை பொழிவு ஏற்பட்டதால் மருதமரம் சாய்ந்து போக்குவரத்து பாதிப்பு ஏற்பட்டது.
தமிழகத்தில் தற்போது கோடை கால சூழ்நிலை நிகழ்கிறது. இதனால் வெயில் சுட்டெரித்து பொதுமக்களை வாட்டி வதைக்கிறது. இதில் நெல்லை மாவட்டத்திலும் அதன் சுற்றுவட்டார பகுதியிலும் சூறைக்காற்று வீசியதோடு மட்டுமல்லாமல் பலத்த மழை பொழிவும் ஏற்பட்டது. இதனால் குளிர்ந்த சூழ்நிலை உண்டானதால் பொதுமக்கள் மகிழ்ச்சி அடைந்தனர்.
இருப்பினும் முக்கூடல் பகுதியில் வீசிய சூறைக்காற்றால் சாலையோரம் நின்றுகொண்டிருந்த மருதமரம் வேரோடு சாய்ந்தது. இதனால் அப்பகுதியில் போக்குவரத்து பாதிக்கப்பட்டு பொதுமக்களுக்கு இடையூறு ஏற்பட்டுள்ளது. இதுகுறித்து தகவலறிந்த அம்பை மாவட்ட தீயணைப்பு படையினர் சம்பவ இடத்திற்கு விரைந்து சென்று சாய்ந்த மரத்தினை அப்புறப்படுத்தி போக்குவரத்து நெரிசலை சரி செய்தனர்.