பிக்பாஸ் பிரபலம் ஜனனி ஐயர் மாலத்தீவு கடற்கரையில் நடனமாடிய வீடியோவை வெளியிட்டுள்ளார்.
நடிகர் கமல்ஹாசன் தொகுத்து வழங்கிய பிக்பாஸ் நிகழ்ச்சியின் நான்காவது சீசனில் போட்டியாளராக கலந்து கொண்டு பிரபலமடைந்தவர் ஷிவானி நாராயணன் . இவர் கடந்த சில தினங்களுக்கு முன் மாலத்தீவு சென்று அங்கு எடுத்துக் கொண்ட புகைப்படங்களையும் வீடியோக்களையும் வெளியிட்டு வந்தார். மேலும் அவர் மாலத்தீவு கடற்கரையில் நயன்தாராவின் ஹெலனா பாடலுக்கு செம ஸ்டைலாக நடனமாடிய வீடியோவை வெளியிட்டிருந்தார். இந்த வீடியோவுக்கு ஏராளமான லைக்குகள் குவிந்தது என்பது குறிப்பிடத்தக்கது.
இந்நிலையில் சிவானியை அடுத்து பிக்பாஸ் சீசன் 2 போட்டியாளரான ஜனனி ஐயர் மாலத்தீவு சென்றுள்ளார். மேலும் அவர் தனது சமூக வலைதளப் பக்கத்தில் சிவானிக்கு போட்டியாக அதே நயன்தாராவின் ஹெலனா பாடலுக்கு மாலத்தீவு கடற்கரையில் ஸ்டைலாக ஸ்டெப் போட்ட வீடியோவை வெளியிட்டுள்ளார். தற்போது ரசிகர்களை கவர்ந்த இந்த வீடியோ இணையத்தில் வைரலாகி வருகிறது.