வலிமை படத்தின் உரிமையை பிரபல நிறுவனம் மிக பெரிய தொகைக்கு கைப்பற்றியுள்ளது.
தமிழ் சினிமாவில் முன்னணி நடிகராக இருக்கும் அஜித் தற்போது எச்.வினோத் இயக்கும் வலிமை படத்தில் நடித்து வருகிறார். இறுதிகட்டத்தை எட்டியுள்ள இப்படத்தில் ஒரு சில சண்டை காட்சிகள் மட்டுமே இன்னும் படமாக்கப்பட வேண்டும். இதனை ஸ்பெயினில் எடுக்க படக்குழு முடிவு செய்துள்ளது. ஆகையால் அந்நாட்டின் அனுமதிக்காக படக்குழுவினர் காத்துக்கொண்டிருக்கின்றன.
இதற்கிடையில் அஜித் இப்படத்திற்காக டப்பிங் வேலையை முடித்து உள்ளார். இந்நிலையில் வலிமை படத்தினை பிரபல நிறுவனமான கோபுரம் பிலிம்ஸ் மிகப்பெரிய தொகைக்கு கைப்பற்றி உள்ளதாக தகவல் வெளியாகியுள்ளது.ஆகையால் வலிமை திரைப்படம் மிகப்பெரிய அளவில் ரிலீசாகும் என்று எதிர்பார்க்கப்படுகிறது.