பிரிட்டன் நாட்டிலேயே அதிக சம்பளம் பெறுபவர் என்ற பெருமையை BET 365 நிறுவனத்தின் தலைவர் Denise Coates என்ற பெண் பெற்றுள்ளார்.
பிரிட்டனின் BET 365 என்ற நிறுவனத்தின் தலைவர் Denise Coates. இவரின் கடந்த ஒரு வருட சம்பளம் மட்டுமே 469 மில்லியன் பவுண்டுகள் ஆகும். மேலும் நாளொன்றிற்கு சராசரியாக 1.3 மில்லியன் பவுண்டுகள் என்று தெரியவந்துள்ளது. இது மட்டுமல்லாமல் அவரது வணிகத்தில் அவருடைய 50 சதவீத பங்குகளுக்காக அவருக்கு மேலும் 48 மில்லியன் பவுண்டுகள் தொகையும் பெறுகிறார்.
அதாவது பிரிட்டன் பிரதமர் போரிஸ் ஜான்சனின் சம்பளம் 1,50,000 பவுண்டுகள் ஆகும். அவரை விட 3126 மடங்கு அதிகம் சம்பாதிக்கிறார் Denise Coates. அதாவது இவர் சுமார் ஒரு மணி நேரத்திற்கு ஏறக்குறைய 54 ஆயிரம் பவுண்டுகளை சம்பளம் பெற்று வருகிறார். இது பிரிட்டனின் பட்டியலிடப்பட்ட நூறு நிறுவனங்களின் தலைமை நிர்வாகிகள் அனைவரின் ஊதியங்களை விட விட அதிகமானதாகும்.
மேலும் இந்த BET 365 நிறுவனம், தங்களது அனைத்து மூத்த மேலாளர்களுக்கும் கடந்த வருடம் சம்பளமாக 607 மில்லியன் பவுண்டுகள் வழங்கியுள்ளது. மேலும் Denise Coates குடும்பத்தின் ஒட்டு மொத்த சொத்துக்களின் மதிப்பு 6.8 மில்லியன் பவுண்டுகளாக கணக்கிடப்பட்டுள்ளது. மேலும் Denise Coates, பிரிட்டனின் பணக்காரர்கள் பட்டியலில் ஐந்தாவது இடத்தில் இருக்கிறார்