மயிலாடுதுறை காங்கிரஸ் வேட்பாளர் ராஜகுமார் தி.மு.க., காங்கிரஸ் கூட்டணி சிறுபான்மையினருக்கு பாதுகாப்பு அரணாக உள்ளதாக கூறியுள்ளார்.
மயிலாடுதுறை மாவட்டத்தில் உள்ள நீடூரில் காங்கிரஸ் வேட்பாளர் எஸ்.ராஜகுமார் தீவிர வாக்கு சேகரிப்பில் ஈடுபட்டார். அப்போது அங்கு அவர் பேசுகையில், காங்கிரஸ் கட்சிதான் அகில இந்திய அளவில் இஸ்லாமியர்கள் உட்பட சிறுபான்மையினருக்கு பாதுகாப்பு அரணாக உள்ளது. தமிழகத்தில் சிறுபான்மையினருக்கு தி.மு.க., காங்கிரஸ் கூட்டணி கட்சி பாதுகாப்பாக உள்ளது. எனவே சிறுபான்மையினரின் பாதுகாப்பையும், அவர்களுடைய மதிப்பையும் உறுதி செய்யும் தி.மு.க., காங்கிரஸ் கூட்டணிக்கு நீங்கள் என்றும் ஆதரவாக இருக்க வேண்டும் என்று அவர் பேசினார்.
இதனை தொடர்ந்து வரதம்பட்டு, இளந்தோப்பு, வில்லியநல்லூர், கடக்கம், தலைஞாயிறு, பட்டவர்த்தி ஆகிய ஊராட்சிகளில் காங்கிரஸ் வேட்பாளர் எஸ்.ராஜகுமார் வாக்கு சேகரித்தார். அப்போது அவருடன் வடக்கு ஒன்றிய செயலாளர் இளையபெருமாள், தி.மு.க. முன்னாள் எம்.எல்.ஏ. சத்தியசீலன், கூட்டணி கட்சி நிர்வாகிகள் மற்றும் தொண்டர்கள் உடனிருந்தனர்.