கேந்திரிய வித்யாலயா பள்ளியில் மாணவர் சேர்க்கைக்கு எப்படி விண்ணப்பிப்பது என்பது பற்றி பார்க்கலாம் வாருங்கள்.
கேந்திரிய வித்யாலயா பள்ளிகளில் 2021-2022 கல்வி ஆண்டுக்கான 1ஆம் வகுப்பு சேர்க்கை விண்ணப்ப பதிவு நேற்று தொடங்கியது. விண்ணப்பிக்க காலக்கெடு ஏப்ரல் 19ஆம் தேதி மாலை 7 மணியுடன் முடிவடைகிறது. இரண்டு அல்லது அதற்கு மேற்பட்ட வகுப்புகளுக்கு ஏப்ரல் 8ஆம் தேதி காலை 8 மணி முதல் ஏப்ரல் 15ஆம் தேதி மாலை 4 மணிவரை இடங்களின் அடிப்படையில் பதிவு நடக்கும். நாடு முழுவதும் 1.247 கேந்திரியா வித்யாலயா பள்ளிகள் இயங்கி வருகின்றன.
மாணவர் சேர்க்கைக்கு எப்படி விண்ணப்பிப்பது என்பது பற்றி தெரிந்து கொள்ளலாம் வாருங்கள். 1 ஆம் வகுப்புக்கு https://kvsonlineadmission.kvs.gov.inஎன்ற இணையதளம் மற்றும் ஆண்ட்ராய்டு மொபைல் செயலி வழியாக பதிவு செய்யலாம். 11 ஆம் வகுப்புக்கான விண்ணப்பங்களை https://kvsangathan.nic.in என்ற இணையதளத்தில் பதிவிறக்கம் செய்து கொள்ளலாம்.