நாடு முழுவதும் கடந்த வருடம் மார்ச் முதல் கொரோனா கோரத்தாண்டவமாடியது. இதையடுத்து கொரோனா அதிகமாக பரவி வந்ததால் ஊரடங்கு அமல்படுத்தப்பட்டது. இதனால் மக்கள் வீடுகளுக்குள்ளேயே முடங்கிக் கிடக்கும் நிலை ஏற்பட்டது. இதையடுத்து கொரோனா சற்று குறைந்த நிலையில் ஊரடங்கில் தளர்வுகள் கொண்டு வரப்பட்டதால் மீண்டும் இயல்பு வாழ்க்கைக்கு மெல்ல மெல்ல திரும்பி வருகின்றனர். இதற்கு மத்தியில் கொரோனா மீண்டும் வேகமெடுத்து வருகிறது.
இந்நிலையில் திரை பிரபலங்கள், அரசியல் பிரபலங்கள் பலரும் கொரோனாவால் பாதிக்கப்பட்டு வருகின்றனர். அந்தவகையில் 96, மாஸ்டர் படங்களில் நடித்துள்ள நடிகை கவுரி கிஷனுக்கு கொரோனா உறுதியாகியுள்ளது. தான் மருத்துவர்கள் அறிவுரைப்படி சிகிச்சையில் இருப்பதாகவும், கடந்த வாரம் தன்னை சந்த்தித்தவர்கள் கொரோனா பரிசோதனை மேற்கொள்ளுமாறும் சமூக வலைத்தளங்களில் பதிவிட்டுள்ளார்.