தமிழகத்தில் தேர்தல் ஏப்ரல் 6-ஆம் தேதி தேர்தல் நடைபெறுகிறது. இதனால் அரசியல் கட்சியினர் தீவிர பிரச்சாரம் மேற்கொண்டு வருகின்றனர். மேலும் தேர்தல் ஆணையமும் அதற்கான பணிகளில் ஈடுபட்டு வருகிறது. இதையடுத்து இன்றுடன் தேர்தல் பரப்புரை நிறைவடைகிறது. இந்நிலையில் இன்று முதல் மூன்று நாட்களுக்கு மதுக்கடைகளை மூட தேர்தல் ஆணையம் உத்தரவு பிறப்பித்துள்ளது.
அதையும் மீறி கள்ளத்தனமாக விற்பனை செய்தால் கடும் நடவடிக்கை எடுக்கப்படும் என்றும் எச்சரித்துள்ளது. தொடர்ந்து மூன்று நாட்களுக்கு குடிக்க முடியாது என்பதால் மது பிரியர்கள் முன்னேற்பாடாக மதுபாட்டில்களை நேற்றே வாங்க டாஸ்மாக் கடை முன் குவிந்துள்ளனர்.