சட்டங்கள் இருந்தும் குற்றங்கள் குறைவதில்லை… ரோந்து பணியில் சிக்கியவர்… காவல்துறை நடவடிக்கை..!!

திண்டுக்கல் அருகே சட்டவிரோதமாக மது விற்பனையில் ஈடுபட்டவரை காவல்துறையினர் கைது செய்துள்ளனர்.

தமிழகத்தில் சட்ட விரோதமான செயல்களை தடுக்க அரசு பல்வேறு நடவடிக்கைகளை மேற்கொண்டு வருகிறது. இருப்பினும் குற்றச்செயல்கள் குறைந்தபாடில்லை. திண்டுக்கல் மாவட்டத்தில் உள்ள பாலமரத்துப்பட்டி பகுதியில் திண்டுக்கல் தாலுகா காவல்துறை துணை ஆய்வாளர் ஜெய்கணேஷ் தலைமையில் காவல்துறையினர் நேற்று முன்தினம் ரோந்து பணியில் ஈடுபட்டு வந்தனர். அப்போது அப்பகுதியில் சந்தேகப்படும்படியாக ஒருவர் நின்று கொண்டிருந்தார்.

அவரை பிடித்து காவல்துறையினர் விசாரணை மேற்கொண்டனர். அந்த விசாரணையில் அவர் வாழைக்காய்ப்பட்டி பகுதியில் வசித்து வரும் கருப்பையா என்பது தெரிய வந்தது. மேலும் அவர் சட்டவிரோதமாக மது விற்பனையில் ஈடுபட்டு வந்ததும் தெரியவந்தது. இதையடுத்து அவரிடம் இருந்த 8 மது பாட்டில்களை காவல்துறையினர் பறிமுதல் செய்தனர். இதுகுறித்து கருப்பையா மீது வழக்குப்பதிந்த காவல்துறையினர் சட்டவிரோதமாக மது விற்பனையில் ஈடுபட்ட குற்றத்திற்காக அவரை கைது செய்து சிறையில் அடைத்தனர்.