மண் தரையில் படுத்துறங்கும் சிம்புவின் புகைப்படம் இணையத்தில் வைரலாகி வருகிறது.
தமிழ் சினிமாவில் முன்னணி நடிகராக வலம் வருபவர் சிம்பு. இவர் தற்போது மாநாடு படத்தில் நடித்து வருகிறார். வெங்கட் பிரபு இயக்கத்தில் சுரேஷ் காமாட்சி இப்படத்தை தயாரித்து வருகிறார். இப்படத்தில் சிம்புவுக்கு ஜோடியாக கல்யாணி பிரியதர்ஷன் நடித்து வருகிறார். மேலும் வில்லனாக எஸ்.ஜே.சூர்யா நடிக்கிறார்.
இப்படத்தின் படபிடிப்பு இறுதிகட்டத்தை எட்டியுள்ள நிலையில் தற்போது சென்னையில் பிரம்மாண்ட அரங்குகள் அமைக்கப்பட்டு இறுதிகட்ட படப்பிடிப்பு நடைபெற்று வருகிறது. இந்நிலையில் நடிகர் சிம்பு படப்பிடிப்பின்போது மண்தரையில் படுத்துறங்கும் புகைப்படம் ஒன்று இணையத்தில் வெளியாகியுள்ளது.
இதனை இப்படத்தின் இயக்குனர் வெங்கட் பிரபு அவரது சமூக வலைத் தளத்தில் பதிவிட்டு, சிம்பு ஒரு எளிய மனிதர் என குறிப்பிட்டுள்ளார். இந்த புகைப்படத்தை சிம்பு ரசிகர்கள் தற்போது சமூக வலைத்தளத்தில் வைரலாக்கி வருகின்றனர்.
