நெல்லையில் பொக்லைன் ஓட்டுநர் தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
நெல்லை மாவட்டம் திசையன்விளையில் பொக்லைன் எந்திரத்தின் ஓட்டுநரான முருகன் என்பவர் வசித்து வந்தார். இவர் தனியார் நிறுவனத்தில் மாதந்தோறும் தவணை முறையில் பணம் கட்டும் விதமாக மோட்டார் சைக்கிளை வாங்கினார். ஆனால் அவரால் மாதத் தவணையை கட்ட இயலவில்லை. இதனால் தனியார் நிறுவன ஊழியர்கள் தனது மோட்டார் சைக்கிளை பறித்துக் கொண்டு சென்று விடுவார்களோ என்ற அச்சத்தில் இருந்துள்ளார்.
இந்நிலையில் ஒரு கட்டத்தில் மன உளைச்சலுக்கு சென்ற முருகன் வீட்டில் யாரும் இல்லாத சூழ்நிலையை பயன்படுத்தி விஷம் குடித்து அங்கேயே மயங்கி விழுந்தார். இதனைக் கண்டு அதிர்ச்சியடைந்த அக்கம் பக்கத்தினர் அவரை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். ஆனால் அங்கு அவருக்கு மருத்துவர்கள் அளித்த சிகிச்சை பலனின்றி பரிதாபமாக இறந்தார். இச்சம்பவம் குறித்து காவல் துறையினர் வழக்குப்பதிவு செய்து தீவிர விசாரணையில் ஈடுபட்டு வருகின்றனர்.