நெல்லையில் கூலித்தொழிலாளி வீட்டிலிருந்து அவரது உடலை அழுகிய நிலையில் மீட்ட சம்பவம் சோகத்தை ஏற்படுத்தியுள்ளது.
திருநெல்வேலி மாவட்டம் பழைய பேட்டையில் கூலித் தொழிலாளியான கணேசன் என்பவர் வசித்து வந்தார். இந்நிலையில் கணேசன் அவரது வீட்டில் தனியாக வாழ்ந்து வந்ததால் மனமுடைந்து காணப்பட்டார். இதனால் அவர் கடந்த சில நாட்களுக்கு முன்பாக விஷத்தினை குடித்துவிட்டு வீட்டில் இறந்துகிடந்தார். இதனை அக்கம்பக்கத்தினர் கவனிக்காத நிலையில், கணேசனின் உடல் முழுவதும் அழுகி துர்நாற்றம் வீச தொடங்கியது.
இச்சம்பவம் குறித்து அப்பகுதி மக்கள் பேட்டை காவல் நிலையத்தில் புகார் கொடுத்தனர். அப்புகாரை ஏற்ற காவல்துறையினர் சம்பவ இடத்திற்கு விரைந்து சென்று அவரின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் இதுகுறித்து வழக்குப்பதிவு செய்த காவல்துறையினர் தீவிர விசாரணையில் ஈடுபட்டு வருகின்றனர்.