சிங்காநல்லூரில் வாக்கு இயந்திரம் கோளாறு காரணமாக இரண்டரை மணி நேரத்திற்கு பிறகு வாக்குப்பதிவு தொடங்கியது.
தமிழகம் முழுவதும் 234 தொகுதிகளில் மொத்தம் 88,937 வாக்குச் சாவடிகளில் காலை 7 மணிக்கு வாக்குப்பதிவு தொடங்கியது. 234 தொகுதிகளிலும் 3998 வேட்பாளர்கள் தேர்தல் களத்தில் உள்ளனர். கொரோனா பாதுகாப்பு விதிமுறைகளை முறையாக கடைப்பிடித்து உங்களது ஜனநாயகக் கடமையை நிறைவேற்றுங்கள். மேலும் பூத் ஸ்லீப் இல்லாதவர்கள் வாக்காளர் பட்டியலில் பெயர் இருந்தாலே வாக்களிக்கலாம் என தேர்தல் ஆணையம் அறிவித்துள்ளது. அதுமட்டுமன்றி வாக்காளர் பட்டியலில் பெயர் இல்லாதவர்கள் வாக்களிக்க முடியாது.
இந்நிலையில் சிங்கா நல்லூரில் 281 ஆவது வாக்குச் சாவடியில் இரண்டரை மணி நேரத்திற்கு பிறகு வாக்குப்பதிவு தொடங்கியுள்ளது. வாக்குப்பதிவு இயந்திரத்தில் ஏற்பட்ட கோளாறால் இரண்டரை மணி நேரத்திற்கு பிறகு தற்போது வாக்குப்பதிவு தொடங்கியுள்ளது. மேலும் சேலம் மாவட்டம் சிலுவம்பாளையம் பகுதியில் 95 வயதான மூதாட்டி ஆர்வத்துடன் வந்து தனது வாக்கினை பதிவு செய்துள்ளார்.