சிவகங்கை மாவட்டத்தில் நேற்று நடைபெற்ற தமிழக சட்டமன்ற தேர்தலில் அமமுக வேட்பாளர்கள் தங்களது வாக்குகளை பதிவு செய்தனர்.
நேற்று சட்டமன்ற தேர்தல் தமிழகம் முழுவதும் ஒரே கட்டமாக நடைபெற்றது. இதில் ஏராளமான வாக்காளர்கள் அந்தந்த வாக்குச் சாவடி மையங்களுக்கு தங்களது வாக்குகளை பதிவு செய்தனர். மேலும் அரசியல் கட்சி தலைவர்களும் வேட்பாளர்களும் நடிகர்களும் தங்களது வாக்குகளை பதிவு செய்தனர். அந்த வகையில் சிவகங்கை மாவட்டத்தில் காரைக்குடி, சிவகங்கை, திருப்பத்தூர், மானாமதுரை என 4 சட்டமன்ற தொகுதிகள் உள்ளது.
இதில் காரைக்குடி தொகுதியில் போட்டியிடும் அமமுக வேட்பாளர் தேர்போகி பாண்டி, திருப்பத்தூர் சட்டமன்ற தொகுதி அமமுக வேட்பாளர் கே.கே.உமாதேவன், மானாமதுரை தொகுதி வேட்பாளர் மாரியப்பன் கென்னடி ஆகியோரும் தங்களது வாக்குகளை பதிவு செய்தனர்.