அமெரிக்காவில் இளம் கர்ப்பிணிப்பெண்ணிடம் தவறாக நடந்து கொண்டதாக ஒரு நபர் காவல்துறையினரால் கைது செய்யப்பட்டிருக்கிறார்.
அமெரிக்காவில் உள்ள ஓக்லஹோமா என்ற நகரில் 19 வயதுடைய இளம் கர்ப்பிணிப் பெண் ஒருவர் பேருந்தில் பயணித்துள்ளார். அப்போது அவரின் பின் நின்றுகொண்டிருந்த பேட்ரிக் டெரி என்ற நபர் அந்த பெண்ணின் மீது கை வைத்ததோடு தவறாக நடந்திருக்கிறார். இதனால் கோபமடைந்த அந்த பெண் அவரை எச்சரித்துள்ளார்.
ஆனால் அவரோ, “அது என்னுடைய விருப்பம் நான் என்னவேண்டுமானாலும் செய்வேன். வேண்டுமென்றால் உன்னை பாலியல் வன்கொடுமையும் செய்வேன்” என்று அநாகரீகமாக பதிலளித்துள்ளார். இதை கவனித்த அந்த பெண்ணின் கணவர் உடனடியாக காவல்துறையினரிடம் புகார் அளித்துள்ளார்.
இதைத்தொடர்ந்து அந்த நபரை பேருந்திலிருந்து இறக்கி உடனடியாக காவல்துறையினர் கைது செய்து சிறையில் அடைத்துள்ளனர். மேலும் இந்த நபர் மீது சில வழக்குகள் இருப்பதாக கூறப்பட்டுள்ளது.