குக் வித் கோமாளி பிரபலம் பவித்ரா ஹீரோயினாக அறிமுகமாகி உள்ளார்.
பிரபல தொலைக்காட்சி சேனலான விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சி மூலம் பிரபலமானவர் பவித்ரா. இவர் தற்போது படங்களில் நடிக்கவும் ஒப்பந்தமாகியுள்ளார். அதன்படி பிரபல காமெடி நடிகர் சதீஷ் ஹீரோவாக நடிக்கும் படத்தில் பவித்ரா ஹீரோயினாக அறிமுகமாக உள்ளார்.
கிஷோர் ராஜ் குமார் இயக்கும் இப்படத்திற்கு அஜீஷ் அசோக் இசையமைக்கிறார். இப்படத்தின் பூஜையில் நடிகர் சிவகார்த்திகேயன் சிறப்பு விருந்தினராக கலந்து கொண்டார். அப்போது எடுக்கப்பட்ட புகைப்படம் இணையத்தில் வெளியாகி உள்ளது. இப்படத்தின் படப்பிடிப்பு தற்போது சென்னையில் நடைபெற்று வருகிறது.