உலகில் உள்ள அனைத்து நகரங்களையும் விட அதிக பணக்காரர்களை கொண்ட நகரம் சீனாவின் தலைநகர் பெய்ஜிங் என்று தெரிவிக்கப்பட்டுள்ளது.
சீனாவின் தலைநகர் பெய்ஜிங் தான் தற்போது உலகிலுள்ள அனைத்து நகரங்களையும் விட அதிக பணக்காரர்களை கொண்டிருப்பதாக போர்ப்ஸ் சமீபத்தில் வெளியிட்ட இந்த வருடத்திற்கான பணக்காரர்களின் பட்டியலில் தெரிவிக்கப்பட்டுள்ளது. கடந்த வருடத்தில் மட்டும் பெய்ஜிங்கில் உள்ள கோடீஸ்வரர்களின் எண்ணிக்கை 33 ஆக அதிகரித்ததால் தற்போது மொத்த எண்ணிக்கை 500 ஆக உயர்ந்துள்ளது என்று போர்ப்ஸ் தெரிவித்திருக்கிறது.
இதனால் உலகிலேயே அதிக பணக்காரர்கள் வசிக்கும் நகரங்களின் பட்டியலில் அமெரிக்காவின் நியூயார்க் நகரை பின்தள்ளி பெய்ஜிங் முதலிடத்தை பெற்றுள்ளது. அதாவது நியூயார்க்கில் சுமார் 99 பணக்காரர்கள் வசிக்கின்றனர். இதுமட்டுமல்லாமல் உலகத்திலேயே அதிக பணக்காரர்கள் வசிக்கும் நகரங்களின் பட்டியலில் கடந்த 7 வருடமாக நியூயார்க் தான் முதலிடம் வகித்து வந்தது.
மேலும் பெய்ஜிங் முதலிடம் பெறுவதற்கு காரணம் கொரோனா தீவிரமாக கட்டுப்படுத்திய விதம், தொழில்நுட்ப நிறுவனங்கள் அதிகரிப்பு மற்றும் பங்குசந்தைகள் மூலமாகத்தான் என்று கூறப்பட்டுள்ளது. ஆனால் பெய்ஜிங் நகரில் அதிக பணக்காரர்கள் வசித்தாலும் நியூயார்க்கில் வசிக்கும் கோடீஸ்வரர்களின் சொத்து மதிப்பு தான் அதிகமாக உள்ளது என்பது குறிப்பிடத்தக்கது.
மேலும் பெய்ஜிங்கின் பணக்காரர், டிக் டாக் என்ற செயலியின் நிறுவனரும், பைட்டான்ஸ் நிறுவனத்தின் தலைமை நிர்வாகியுமான Zhang Yiming தான். அவருடைய மொத்த சொத்துக்களின் மதிப்பு 35.6 பில்லியன் டாலர்களாகும். இதற்கு எதிர்மாறாக நியூயார்க் நகரின் பணக்காரரான முன்னாள் மேயர் மைக்கேல் ப்ளூம்பெர்க்கின் ஒட்டு மொத்த சொத்துக்களின் மதிப்பு 50 பில்லியன் டாலர்கள் ஆகும்.