திருநெல்வேலியில் கட்டிட மேற்பார்வையாளரின் வீட்டில் மர்ம நபர்கள் பணம் மற்றும் நகையை திருடி சென்ற சம்பவம் பரபரப்பை ஏற்படுத்தியுள்ளது.
திருநெல்வேலி மாவட்டம் திசையன்விளையில் விஜயநாராயணம் என்பவர் வசித்து வருகிறார். இவர் அதே பகுதியிலிருக்கும் ஐ.என்.எஸ்.சில் கட்டிட மேற்பார்வையாளராக பணிபுரிந்து வருகிறார். இந்நிலையில் இவருடைய மனைவி தனியார் பள்ளியில் ஆசிரியராக பணிபுரிகிறார். இவர்கள் இருவரும் சம்பவத்தன்று வேலையை பார்க்க சென்றுள்ளனர்.
இதனையடுத்து இவர்களது இல்லத்திற்கு வந்த மர்ம நபர் வீட்டின் முன் கதவை உடைத்து உள்ளே சென்று அங்கிருந்த 13 பவுன் தங்க நகை மற்றும் 25,000 ரூபாய் கொள்ளையடித்து சென்றனர். இதனைத் தொடர்ந்து பணி முடிந்து வீட்டிற்கு வந்த தம்பதியர்கள் வீட்டின் கதவு உடைக்கப்பட்டிருப்பதை கண்டு அதிர்ச்சியடைந்தனர். அதன்பின் தம்பதியர் திசையன்விளை காவல் நிலையத்தில் புகார் கொடுத்தனர். அப்புகாரை ஏற்ற காவல்துறையினர் வழக்குப்பதிவு செய்து மர்மநபர்களை வலைவீசி தேடி வருகின்றனர்.