பொன்னியின் செல்வன் திரைப்படத்தின் படப்பிடிப்பை படக்குழு ரத்து செய்துள்ளது.
பிரபல இயக்குனர் மணிரத்னம் இயக்கத்தில் உருவாகி வரும் திரைப்படம் “பொன்னியின் செல்வன்”. தமிழ், தெலுங்கு, மலையாளம், இந்தி உள்ளிட்ட மொழிகளில் தயாராகி வரும் இப்படத்தில் முன்னணி நடிகர்கள் ஜெயம் ரவி, கார்த்தி, விக்ரம், அமிதாபச்சன் ஆகியோர் நடிக்கின்றனர். மேலும் நடிகைகள் ஐஸ்வர்யாராய், திரிஷா, ஐஸ்வர்யா லட்சுமி ஆகியோர் நடிக்கின்றனர்.
800 கோடி ரூபாய் செலவில் பிரம்மாண்டமாக இரண்டு பாகங்களாக உருவாகிவரும் இப்படத்தின் படப்பிடிப்பு கடந்த 2019ஆம் ஆண்டு டிசம்பர் மாதம் தாய்லாந்தில் உள்ள காடுகளில் நடைபெற்றது. அதன்பிறகு கொரோனா காரணமாக இப்படத்தின் படப்பிடிப்பு தள்ளிவைக்கப்பட்டது.
இதை தொடர்ந்து கட்டுப்பாடுகள் தளர்த்தப்பட்டதும் மீண்டும் இப்படத்தின் படப்பிடிப்பு நடைபெற்று வந்தது. ஆனால் தற்போது தமிழகம் முழுவதும் கொரோனாவின் இரண்டாம் அலை வேகமாக வீசி வருவதாலும், திரை பிரபலங்கள் அதிகமானோர் கொரோனாவால் பாதிக்கப் பட்டு வருவதாலும் இப்படத்தின் படப்பிடிப்பை படக்குழுவினர் ரத்து செய்துள்ளனர்.