மதுரையில் கார் மோதி விவசாயி பலியான சம்பவம் சோகத்தை ஏற்படுத்தியுள்ளது.
மதுரை மாவட்டம் சோழவந்தானில் விவசாயியான அருவ ராஜ் என்பவர் வசித்து வந்தார். இந்நிலையில் இவர் சம்பவத்தன்று அவரது மனைவியுடன் விக்கிரமங்கலம் செல்வதற்காக மோட்டார் சைக்கிளில் சென்றுள்ளார். அப்போது இவரது மோட்டார் சைக்கிளுக்கு எதிராக வந்த கார் திடீரென்று தம்பதியர்கள் மீது மோதியது. இதனால் தூக்கி வீசப்பட்ட இருவரும் பலத்த காயமடைந்தனர்.
இதனை கண்டு அதிர்ச்சியடைந்த அக்கம் பக்கத்தினர் அவர்களை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். இதனையடுத்து மருத்துவமனையில் மருத்துவர்கள் அளித்த சிகிச்சை பலனின்றி அருவராஜ் உயிரிழந்தார். இதனைத் தொடர்ந்து அவருடைய மனைவிக்கு மருத்துவமனையில் தீவிர சிகிச்சை அளிக்கப்பட்டு வருகிறது. இச்சம்பவம் குறித்து காவல் துறையினர் வழக்குப்பதிவு செய்து தீவிர விசாரணை மேற்கொண்டு வருகின்றனர்.