ராகவா லாரன்ஸ் கமலின் ‘விக்ரம்’ திரைப்படத்தில் நடிக்க மறுத்ததற்கான காரணம் வெளியாகியுள்ளது.
முன்னணி நடிகர் கமல் நடிப்பில் உருவாகி வரும் திரைப்படம் ‘விக்ரம்’. ராஜ்கமல் நிறுவனம் தயாரிக்கும் இப்படத்தை லோகேஷ் கனகராஜ் இயக்குகிறார். அனிருத் இசையமைக்கிறார். இப்படத்தில் கமலுக்கு வில்லனாக நடிகர் பஹத் பாசில் நடிக்க உள்ளார். இப்படத்தில் வில்லனாக நடிக்க முதலில் ராகவா லாரன்ஸ் தான் தேர்வு செய்யப்பட்டார்.
ஆனால் சில காரணங்களால் அவர் இப்படத்தில் நடிப்பதை மறுத்துவிட்டார். இந்நிலையில் ராகவா லாரன்ஸ் ஏன் கமலின் விக்ரம் படத்தில் நடிக்க மறுத்தார் என்ற தகவல் வெளியாகி உள்ளது. அதன்படி, ராகவா லாரன்ஸ் தற்போது ‘ருத்ரன்’ படத்தில் பிஸியாக நடித்து வருவதாலும், சந்திரமுகி 2 படத்திற்கான வேலைகளை செய்து வருவதாலும் கமலின் விக்ரம் படத்தில் நடிக்க மறுத்துள்ளார் என்று தெரியவந்துள்ளது.