திண்டுக்கல் மாவட்டம் வேடசந்தூர் தொகுதியில் 80.16 சதவீதமும், திண்டுக்கல் தொகுதியில் 69.27 சதவீதமும் வாக்குகள் பதிவாகியுள்ளது.
திண்டுக்கல் மாவட்டத்தில் மொத்தம் 7 சட்டமன்ற தொகுதிகள் உள்ளது. இந்த 7 சட்டமன்ற தொகுதிகளிலும் 9 லட்சத்து 62 ஆயிரத்து 488 பெண்கள், 9 லட்சத்து 14 ஆயிரத்து 386 ஆண்கள், 203 பேர் மூன்றாம் பாலினத்தவர் என மொத்தம் 18 லட்சத்து 77 ஆயிரத்து 77 வாக்காளர்கள் இருக்கின்றனர். இந்நிலையில் சட்டமன்ற தேர்தலில் 7 லட்சத்து 30 ஆயிரத்து 379 பெண்கள், 7 லட்சத்து 10 ஆயிரத்து 13 ஆண்கள், 14 பேர் மூன்றாம் பாலினத்தவர் என மொத்தம் 14 லட்சத்து 40 ஆயிரத்து 406 பேர் வாக்களித்துள்ளனர். இதில் ஆண்களை விட பெண்களே அதிக வாக்குகள் பதிவு செய்துள்ளனர். மேலும் 4 லட்சத்து 33 ஆயிரத்து 671 பேர் இந்த தேர்தலில் வாக்களிக்க வில்லை. மொத்த வாக்குப்பதிவில் 76.83 சதவீதம் ஆகும்.
இதில் வேடசந்தூர் தொகுதியில் 1 லட்சத்து 34 ஆயிரத்து 496 பெண்கள், 1 லட்சத்து 28 ஆயிரத்து 815 ஆண்கள் என மொத்தம் 2 லட்சத்து 63 ஆயிரத்து 311 வாக்காளர்கள் உள்ளனர். அதில் 1 லட்சத்து 7 ஆயிரத்து 374 பெண்கள், 1 லட்சத்து 3 ஆயிரத்து 691 ஆண்கள் என மொத்தம் 2 லட்சத்து 11 ஆயிரத்து 65 பேர் வாக்களித்துள்ளனர். வேடசந்தூர் தொகுதியில் மொத்த வாக்கு பதிவு சதவீதம் 80.16 ஆகும். அதேபோல் திண்டுக்கல் தொகுதியில் 1 லட்சத்து 42 ஆயிரத்து 57 பெண்கள், 1 லட்சத்து 34 ஆயிரத்து 471 ஆண்கள், 55 பேர் மூன்றாம் பாலினத்தவர் என மொத்தம் 2 லட்சத்து 76 ஆயிரத்து 583 பேர் உள்ளனர். அதில் 96 ஆயிரத்து 746 பெண்கள், 94 ஆயிரத்து 837 ஆண்கள், 7 பேர் மூன்றாம் பாலினத்தவர் என மொத்தம் 1 லட்சத்து 91 ஆயிரத்து 590 பேர் வாக்களித்துள்ளனர். திண்டுக்கல் தொகுதியில் மொத்த வாக்குப்பதிவு சதவீதம் 69.27 ஆகும்.