விஜய்யின் “பிகில்” படத்தில் ஏ.ஆர்.ரகுமான் நடித்துள்ளதாக வதந்தி பரவி வைரலாகி வருகிறது.
அட்லி இயக்கத்தில் தளபதி விஜய் நடிப்பில் உருவாகி வரும் ‘பிகில்’ படத்தின் படப்பிடிப்பு விறுவிறுப்பாக நடைபெற்று வருகிறது.இந்த படத்தில் விஜய், நயன்தாரா, இந்துஜா, ஜாக்கி ஷெராப், விவேக், டேனியல் பாலாஜி, யோகிபாபு போன்ற பல நடிகர்கள் நடித்துள்ளனர். இந்தப் படம் வரும் தீபாவளி அன்று வெளியாகும் என படக்குழுவினர் கூறியுள்ளனர் .
சமீபத்தில் இந்தப் படத்தின் ‘சிங்க பெண்ணே’ பாடல் வெளியாகி மிகப்பெரிய வரவேற்பை பெற்றது. இந்நிலையில் படத்தின் ஒரு முக்கிய காட்சியில் ஏ.ஆர்.ரகுமான் நடித்துள்ளார் என்ற வதந்தி வைரலாகி உலகம் முழுவதும் பரவி வருகிறது. இந்த தகவல் உண்மையாக இருக்குமா என்று விஜய் மற்றும் ரஹ்மான் ரசிகர்கள் மகிழ்ச்சிக் களிப்பில் உள்ளனர்.