வயலுக்குச் சென்ற பெண்… வழியில் நேர்ந்த துயரம்… மயிலாடுதுறையில் சோக சம்பவம்..!!

மயிலாடுதுறை மாவட்டம் குத்தாலம் அருகே வயலுக்குச் சென்ற பெண் பாம்பு கடித்து உயிரிழந்த சம்பவம் சோகத்தை ஏற்படுத்தியுள்ளது.

மயிலாடுதுறை மாவட்டத்தில் உள்ள குத்தாலம் ஒன்றிய பகுதியில் தியாகராஜன் என்பவர் வசித்து வருகிறார். இவருக்கு செல்வி என்ற மனைவி இருந்தார். இந்நிலையில் சம்பவத்தன்று இவர் வயலுக்கு சென்றுள்ளார். அங்கு செல்வியை எதிர்பாராதவிதமாக பாம்பு கடித்துள்ளது. அதனை கண்ட அக்கம் பக்கத்தினர் அவரை மீட்டு மயிலாடுதுறை அரசு மருத்துவமனைக்கு சிகிச்சைக்காக கொண்டு சென்றனர்.

அதன்பின் அவர் திருவாரூர் அரசு மருத்துவமனைக்கு மேல் சிகிச்சைக்காக அனுப்பி வைக்கப்பட்டார். அங்கு சிகிச்சை பெற்று வந்த அவர் திடீரென சிகிச்சை பலனளிக்காமல் பரிதாபமாக இறந்துவிட்டார். இந்த சம்பவம் குறித்து கணவர் தியாகராஜன் பெரம்பலூர் காவல் நிலையத்தில் புகார் அளித்துள்ளார். அந்த புகாரின் பேரில் காவல்துறையினர் வழக்குப்பதிந்து விசாரணை மேற்கொண்டு வருகின்றனர்.