நெல்லையில் விவசாயி விஷத்தினை குடித்து தற்கொலை செய்துகொண்ட சம்பவம் சோகத்தை ஏற்படுத்தியுள்ளது.
திருநெல்வேலி மாவட்டம் களக்காட்டில் விவசாயியான பொன்ராஜ் என்பவர் வசித்து வந்தார். இவருக்கு கடந்த 3 ஆண்டுகளுக்கு முன்பாக நம்பித்தாய் என்பவருடன் திருமணம் நடைபெற்றது. இந்நிலையில் இவர்கள் இருவருக்கும் தற்போது வரை குழந்தைகள் இல்லை. இதனால் விவசாயியான பொன்ராஜ் மனமுடைந்து வேதனையில் இருந்துள்ளார்.
இதனையடுத்து அவர் ஒரு கட்டத்தில் விஷத்தினை குடித்து விட்டு வயலில் மயங்கி விழுந்தார். இதனைக்கண்ட அதிர்ச்சியடைந்த அவரது மனைவி நம்பிதாய் பொன்ராஜ்ஜை மீட்டு சிகிச்சைக்காக அரசு மருத்துவமனைக்கு அனுப்பி வைத்தனர். ஆனால் அங்கு மருத்துவர்கள் அவருக்கு அளித்த சிகிச்சை பலனின்றி பரிதாபமாக இறந்தார். மேலும் இச்சம்பவம் குறித்து வழக்குப்பதிவு செய்த காவல்துறையினர் தீவிர விசாரணையில் ஈடுபட்டு வருகின்றனர்.