ஹிந்தி ரீமேக்கான அந்தகன் திரைப் படத்தில் மற்றொரு பிரபல நடிகை இணைந்துள்ளார்.
பாலிவுட்டில் கடந்த 2018 ஆம் ஆண்டு வெளியாகி பிளாக்பஸ்டர் ஹிட் ஆன திரைப்படம் ‘அந்தாதூன்’. இத்திரைப்படத்தை தமிழில் அந்தகன் என்ற பெயரில் ரீமேக் செய்து வருகின்றனர். இதில் ஹீரோவாக பிரசாந்தும், அவருக்கு ஜோடியாக சிம்ரனும் நடித்து வருகின்றனர். மேலும் வனிதா, யோகிபாபு, பிரியா ஆனந்த், சமுத்திரகனி, மனோபாலா ஆகியோர் இப்படத்தில் முக்கிய கதாபாத்திரத்தில் நடித்து வருகின்றனர்.
இப்படத்தின் படப்பிடிப்பு விறுவிறுப்பாக நடந்து வரும் இவ்வேளையில் மற்றொரு பிரபல நடிகை இப்படத்தில் இணைந்துள்ளார். அதன்படி பிரபல நடிகை ஷீலா சாம்சன் அந்தகன் படத்தில் முக்கிய கதாபாத்திரத்தில் நடிக்க ஒப்பந்தமாகியுள்ளார். ஷீலா சாம்சன் ஓ காதல் கண்மணி,சில்லுக்கருப்பட்டி உள்ளிட்ட படங்களில் நடித்திருப்பது குறிப்பிடத்தக்கது.
