திருவாரூர் மாவட்டத்தில் விற்பனைக்காக குவிக்கப்பட்ட பலாப்பழங்களை மக்கள் மகிழ்ச்சியுடன் வாங்கி சென்றுள்ளனர்.
கடலூர் மாவட்டத்திலுள்ள பண்ருட்டி பகுதியில் பலாப்பழங்கள் அதிகமாக பயிரிடப்படுவதால் அந்த மாவட்டத்திலிருந்து அனைத்து மாவட்டங்களுக்கும் வருடம்தோறும் விற்பனைக்கு பலாப்பழங்களை கொண்டு செல்வது வழக்கம். இந்நிலையில் திருவாரூர் மாவட்டத்திலுள்ள கடைகளில் விற்பனைக்கு குவிக்கப்பட்ட பலாப்பழங்களை மக்கள் மகிழ்ச்சியுடன் வாங்கிச் சென்றுள்ளனர்.
இந்தப் பழங்கள் கோடை காலத்தில் மட்டுமே கிடைக்கும் என்பதால் பலாப்பழங்களுக்கு மக்கள் மத்தியில் எப்போதும் அதிக வரவேற்பு உண்டு. இதனையடுத்து தொற்று காரணமாக ஊரடங்கு போடப்பட்டுள்ளத்தால் தற்போது பலாப்பழம் விற்பனை மந்தமாக உள்ளது என்றும் ஒரு கிலோ பலாப்பழம் 40 ரூபாய்க்கு விற்கப்பட்டது என்று வியாபாரிகள் சார்பில் தெரிவிக்கப்பட்டுள்ளது.