பெரம்பலூரில் பிரதோஷ வழிபாடு சிவன் கோவில்களில் சிறப்பாக நடைபெற்றது.
பெரம்பலூர் மாவட்டத்தில் உள்ள மங்களமேடு அருகே சிறப்பு வாய்ந்த சு.ஆடுதுறை குற்றம் பொறுத்தவர் கோவில் உள்ளது. இந்த கோவிலில் பிரதோஷ வழிபாடு சிறப்பாக நடைபெற்றது. பிரதோஷத்தை முன்னிட்டு அம்மன், சிவன், நந்தி பெருமானுக்கு சந்தனம், பால், பன்னீர் உள்ளிட்ட 18 வகையான பொருட்களால் சிறப்பு அபிஷேகங்கள் நடைபெற்றது.
அதன் பின் அலங்காரங்களும் நடைபெற்றது. வண்ண மலர்களால் அலங்கரிக்கப்பட்டு சிறப்பு ஆராதனைகளும் செய்யப்பட்டது. இதில் கழனிவாசல், அத்தியூர், ஆடுதுறை, ஒகளூர் ஆகிய கிராமங்களில் இருந்து ஏராளமான பக்தர்கள் கலந்து கொண்டனர்.