அரியவகை இருவாச்சி பறவையை சுற்றுலா பயணிகள் கண்டு ரசித்தனர்.
நீலகிரி மாவட்டத்தில் 65% இருக்கும் வனப்பகுதிகளில் அரிய வகை பறவை இனங்களும், விலங்கினங்களும் வாழ்ந்து வருகின்றன. இந்நிலையில் அரிய வகை இருவாச்சி பறவை குன்னூர் மேட்டுப்பாளையம் சாலை ஓரத்தில் சிறகடித்து சுற்றித் திரிகிறது. இந்த பறவையின் உடல்பகுதி கருப்பு மற்றும் வெள்ளை நிறத்தில் காணப்படுகிறது.
மேலும் பறவையின் தலைப்பகுதி இளஞ்சிவப்பு, வெள்ளை மற்றும் மஞ்சள் நிறத்தில் காணப்படுகிறது. இந்த அரியவகை இருவாச்சி பறவை பறக்கும் போது ஹெலிகாப்டர் எழும் சத்தம் கேட்கும். இந்த அரிய பறவையை அனைத்து சுற்றுலா பயணிகளும் கண்டு ரசிக்கின்றனர்.